七月四號系美國國慶，但系與我o地中國人無關，咁o系o個日我地齊齊歡聚坦洲XX村，呢次車友有紅十字會o既兄弟妹妹，再次得雄哥同容哥兩熱情招待，飲涼茶，食擂粥，剥蝦辣，仲去摘D又甜又大粒o既黃皮，我地唔熟唔食o既本性，睇完以下圖片，相信大家可以體會o勒，最著數o既就系容哥只可愛小狗，o系愛犬人士呵護之下，愈來愈可愛，愈來愈精靈，可惜佢唔識講o野，否則佢一定會多謝以上善良的人類啊!
玩完了，又食吓蕉，跟住我等踩車行田基路，過吓渡，坦洲食過好o野之後，正在回程之際，行雷閃電，仲落好似石春咁大粒o既雨，好在我等都系忠心耿耿，正大光明，孝順父母之人，除o左揼到變落湯雞，結果大家都開心渡過呢一日。
點擊以下標題進入圖片區